विजया दशमीको अवसरमा  वडा स्तरिय तेस्रो टि–२० क्रिकेट प्रतियोगिता हुने

स्वास्थ्य मापदण्ड पालनागरी प्रतियोगिता संचालन गरीने : आयोजक

शनिबार १६, असोज २०७८ ०५:३४    डिल्लीराज पन्त



स्वास्थ्य मापदण्ड पालनागरी प्रतियोगिता संचालन गरीने : आयोजक

डिल्लीराज पन्त,महेन्द्रनगर : आउदै गरेकोे महान चाड दशैको अवसर पारेर भिमदत्त नगरपालिका– १२ ऐरीमा वडा स्तरिय तेस्रो टि–२० क्रिकेट प्रतियोगिता हुने भएको छ ।

भिमदत्त नगरपालिका –१२ र जनसेवा युवा समाज ऐरीको साझेदारीमा  विजेताले ठुलो धनराशी पाउने गरी असोज २० गते बाट क्रिकेट प्रतियोगिता संचालन हुने भएको हो । 
प्रतियोगिताका सम्पुर्ण खेल आईसिसि को नियम अनुसार टेनिस बल बाट खेलाईने र खेलाडि तथा दर्शकहरुले कोरोना सम्वन्धि स्वास्थ्यका मापदण्ड पालना अनिवार्य रुपमा गराई प्रतियोगिता सञ्चालन गरीने आयोजकले जनाईएको छ ।
आयोजक समितिले  प्रतियोगिताकामा सहभागिताका लागी भिमदत्त नगरपालिकाका १९ वटै वडा कार्यालयमा निमन्त्रणा पत्र पठाई सकेको छ ।

प्रतियोगितामा प्रथम स्थान हासिल गरेको टिमलाई नगद रकम १ लाख १ हजार १ सय ११ सहित ट्रफि, मेडल , प्रमाण पत्रका साथै खसि र द्धितिय स्थान हासिल गर्ने टिमलाई नगद रु ५१ हजार एक सय ११ पुरुस्कार स्वरुप दिईने १२ नम्वर वडाका वडा अध्यक्ष कृष्ण सिंह देउपाले जानकारी दिए । 
      प्रतियोगितामा सहभागिता हुन टिम दर्ता गर्दा सम्वन्धित वडा कार्यालयको सिफारीस अनिवार्य रहेको र सम्वन्धित वडाका खेलाडिहरुले मात्रै प्रतियोगितामा खेल्न पाउने जनसेवा युवा समाज ऐरीका सदस्य सुरेन्द्र बहादुर मल्ल (सुरी)ले जानकारी दिएका छन् । टिम दर्ता शुल्क प्रति टिम एघार हजार  रहेको छ । प्रतियोगिताका सम्पुर्ण खेलहरु पुर्णा माध्यमिक विद्यालय ऐरीमा खेलाईने छन् ।



प्रतिकृया दिनुहोस