समाचार खोज्नुहोस

महेन्द्रनगर : अनेरास्ववियुको विद्यार्थी राजनीतिबाट पार्टीको राजनितिमा आएका ईमान्दार र जनताका लोकप्रिय नेता हुन लोकेन्द्र प्रसाद जोशी उनि बेलौरी नगरपालिकाको वडा नं. १० को वडा अध्यक्षका उम्मेदवार हुन् । २०७३ सालमा एमालेको संंगठीत सदस्यता लिएका उनि गाउँ कमिटी सचिव, नगर कमिटी सचिव लगायतका पदमा बसेर कार्यसम्पादन गरेको अनुभव छ, उनिसंग पश्चिम नेपाल न्युज डटकमका सम्वाददाता शुरेस पन्तसंग गरिएको कुराकानीको सम्पादीत अंश । 
१) चुनावी एजेन्डा के–के छन् ?
मैले वडाको विकासका लागि अरुले भन्दा फरक कार्य गर्नेछु, मसंग एउटा भिजन छ, यसलाई कार्यान्वयन गरेर हिँडेमा वडाको कायापलट हुनेछ । हामीसंग वडामा सुगरमिल छ, उखु उत्पादन गर्ने किसानहरुका लागि मिलले दिने सहुलियतमा वडाले पनि थप सहयोग गर्नेछ । 
उखुको मुल्यको उचित मुल्याङ्कन गरेर किसानको हितमा  मुल्य निर्धारण गरिनेछ, वडामा रहेका खानेपानी, स्वास्थ्य, बाटोघाटोको समस्या समाधान गरिनेछ । पशु तथा कृषिमा अनुदान दिईनेछ । युवाहरुलाई कृषि तथा पशुपालनमा आकर्षित गरेर ५०० जना युवालाई रोजगारी दिईनेछ । 
 नयाँ ट्रेक खोल्ने तथा नयाँ कलपठ र रुटहरु निर्माण गर्ने सम्बन्धमा वडाबासीको सल्लाहमा सबै कार्यहरु सञ्चालन गरिनेछ । सबै बाटाहरु पिच हुनेछन्, स्वास्थ्य र सञ्चारको विकासका लागि म वडाबासीको सल्लाह बाहीर जाने छैन, वडामा रहेका सम्पुर्ण बुद्धीजिबि, पत्रकार, शिक्षक, कर्मचारी, अग्रज, बायोबृद तथा समग्रको सल्लाहमा म अगाडी बढ्नेछु । 
२) तपाईको वडाको मुख्य समस्या के हो ? यसलाई कसरी समाधान गर्नुहुन्छ ? 
हाम्रो वडाको मुख्य समस्या भनेको बाटोघाटोको छ, सदरमुकाम महेन्द्रनगरसंग जोडिन हुलाकी राजमार्ग समयमा बनाउनुपर्ने छ, त्यसलाई समयमा सक्न प्रेसर गर्नेछु, जो काम भईरहेको छ । अन्य बाटाहरुपनि पिच भईरहेका छन्, वडाको विकासका लागि मैले सकेको सबै काम योजना बनाएर गर्नेछु । 
३) अन्तीममा मतदाताहरुलाई केही भन्नु छ की ?
म आफैमा सशक्त उम्मेदवार भएर खडा भएको छु , पाँच बर्षे काययोजना बनाएर फिल्डमा आएको छु, म यो मेरो योजनालाई सफल बनाउन चाहान्छु जनताले मलाई विश्वास गरेर भोट हाल्नेमा म ढुक्क छु । जनताले दिएको भोटको अपमान म हुन दिने छैन, जनतालाई मलाई भोट दिएर सहयोग गरिदिनहुन अनुरोध गर्दछु । हाम्रो हैन राम्रोलाई रोज्न सम्पुर्ण मतदातालाई अनुरोध गर्दछु ।