समाचार खोज्नुहोस

महेन्द्रनगर:  नेकपा (एमाले)का केन्द्रीय सचिव तथा सुदूरपश्चिम इन्चार्ज लेखराज भट्टलाई अज्ञात समूहले ज्यान मार्ने धम्की दिएको छ। मंगलबार बिहान कैलाली–४ का उम्मेदवारसमेत रहेका भट्टको घरमा पसेको एक अपरिचित समूहले धम्की दिएपछि उनले सुरक्षा माग गरेका छन्।
भट्टको गोदावरी नगरपालिका अत्तरियास्थित घरमा पसेर उक्त समूहले धम्की दिएको हो। 
आफू घरमा नरहेको अवस्थामा नीजि निवासमै पुगेर परिवारका सदस्यलाई अज्ञात समूहले धम्की दिएको भट्टले बताए। ‘उनीहरुले घरभित्र पसेर कहाँ छ पूर्व मन्त्रीरु भन्दै परिवारका सदस्यहरुलाई दुव्र्यवहार गरे, मेरो ज्यान लिन्छु भनेर गएका छन्’ भट्टले भने।
घटनाका समयमा आफू धनगढीमा भएको पनि भट्टले बताए। भट्ट कैलाली ४ बाट प्रतिनिधि सभा सदस्यका उम्मेदवार समेत छन्। यहाँ उनले अहिलेसम्मको मतगणनामा अग्रता लिइरहेका छन्। उनलाई नेपाली कांग्रेसका वीरबहादुर बलायरले पछ्याइरहेका छन्।