कञ्चनपुर क्षेत्र नं. २ (ख) मा काँग्रेसका थापा निर्वाचित

बुधबार ०७, मङि्सर २०७९ ०४:३९    पश्चिमनेपाल न्यज डट कम



कञ्चनपुर क्षेत्र नं. २ (ख) मा काँग्रेसका थापा निर्वाचित

महेन्द्रनगर : नेपाली काँग्रेस कञ्चनपुरले निर्वाचन क्षेत्र नं. २(ख) प्रदेश सभाबाट आफ्नो खाता खोलेको छ । गठबन्धनका उम्मेदवार नेपाली काँग्रेसका पुर्व सभापति बहादुर सिह थापा निर्वाचित हुनुभएसंगै काँग्रेसले खाता खोलेको हो । 
थापाले निकटतम प्रतिद्वन्दी एमालेका केन्द्रीय सदस्य तथा कञ्चनपुर सह–ईन्चार्ज कृपाराम रानालाई १ हजार ७२६ मतको अन्तरले पराजित गरेका हुन् ।
थापाले १० हजार ६६८ र रानाले ८ हजार ९४२ मत पाएका छन् । उक्त निर्वाचन क्षेत्रबाट ९ जना उम्मेदवार चुनावी मैदानमा थिए । नेकपा एकीकृत समाजवादीका लाल बहादुर खड्काले ४ हजार ४०४, राप्रपाका चक्र्रदेव जोशीले १ हजार ८३५ र पहिलो पटक चुनावमा भाग लिएको नागरिक उन्मुक्ति पार्टीका जितेन्द्र चौधरीले १ हजार ८६८ मत ल्याएका छन् । क्षेत्र २(क)मा रहेका ५० हजार ८८९ मतदाता मध्ये ३१ हजार १७१ मत खसेका थिए । क्षेत्र २ मा प्रतिनिधिसभामा बाम लोकतान्त्रिक गठबन्धनका उम्मेदवार काँग्रेसका केन्द्रिय सदस्य एनपी साउँद अग्र स्थानमै रहेका छन् ।  
 



प्रतिकृया दिनुहोस