बैजनाथ खानेपानीको साधारणसभा सम्पन्न

आइतबार २२, माघ २०७९ ०७:१७ पवन जोशी

महेन्द्रनगर : बैजनाथ सुडा खानेपानी उपभोक्ता तथा सरसफाई समितिको चौथो साधारणसभा सम्पन्न भएको छ । वेदकोट नगरपालिका नगर प्रमुख भोजराज वोहराको प्रमुख आतिथ्यतामा सम्पन्न कार्यक्रममा विशिष्ट अतिथि वडा नम्बर ९ का अध्यक्ष जनक सिह विष्टु , खानेपानी उपभोक्ता तथा सरसफाई डिभिजन काकार्यालयका प्रतिनिधि प्राविधिक नायब सुब्बा कृशन सिंह ठगुन्ना रहेका थिए ।

कार्यक्रममा कार्यपालिका सदस्य , वडा सदस्य तथा राजनीतिक दल लगायत विभिन्न संघसंस्थाका प्रतिनिधिहरुको उपस्थिति रहेको थियो । संस्थाका अध्यक्ष कर्ण सिंह विष्टको अध्यक्षतामा सम्पन्न कार्यक्रममा संस्थाका उपाध्यक्ष भजन चन्दले गरेका थिए । कार्यक्रमको सञ्चालन सचिव पदम सिंह कुँवरले गरेका थिए ।