समाचार खोज्नुहोस

महेन्द्रनगर : कलयुगमा सबै कुरा देख्न र सुन्न पाईन्छ भन्ने कुराको उदाहरण हो राष्ट्रिय प्रजातन्तत्र पार्टी(राप्रपा) र त्यसका सचिव शिशिर थापा । आफु र आफ्नो समुहलाई आर्थिक लाभ हुने भएपछि उनका आँखामा पट्टी लाग्यो र जसको पैसा फसेको छ उ दोषी र जसले एक बर्षबाट पैसा खाएको छ उ साधु देखिन थाल्यो र यो मुद्दा राप्रपाकै मुद्दा बनेर अगाडी बढेको छ । 
थापाले कालुप्रसाद चौधरी(केपी)लाई गरीब र पिडित देखे जसको महेन्द्र राजमार्गमा दुईवटा घर र बिघौबिघा जमिन छ । तर जिवनमा पहिलो पटक एक कट्टा जग्गा खरिद गरिरहेका पत्रकार शुरेस धामी भु–माफिया र अपराधी भए । वास्तवमा धनमा ताकत हुन्छ भन्ने कुरालाई यो घटनाले प्रमाणित गरेको देखिन्छ । अलिअलि आफुलाई आर्थिक लाभ हुने भए अरुको वास्ता नगर्ने यस्तो प्रवृतिले समाज कतातिर जाँदैछ भन्ने सहजै अनुमान लगाउन सकिन्छ । 
धामीले खरिद गर्न लागेको जग्गाको आफुलार्ई ५० लाख परीरहेको उनले बताएका छन् । उनले भने, ‘त्यो जग्गामा मेरो ५० लाख रुपैयाँ पर्दैछ, ५० लाख हालेर किन्न लागेको एक कट्टा जग्गा पनि म टेडोमेडो लिँदैन बरु आफ्नो पैसा फिर्ता माग्छु, मैले जीवनभरमा कमाएको, साथीभाई इष्टमित्रले सहयोग गरेको र बैंकबाट ऋण कर्जा लिएको पैसा हो ।’ उनले थपे, ‘कालुको वकालत गर्नेहरुले मेरो पैसा फिर्ता गरेर पछि कालुबाट लिए भईहाल्यो नि यसमा धेरै के बिबाद गर्न प¥यो, तर यहाँ त्यस्तो स्थीति छैन ति मान्छेहरु कालुको पक्षमा वकालत गर्न उसलाई सहयोग गर्न दया मानेर आएका हुन र ?’

यसबारे राप्रपा कञ्चनपुरका सचिव शिशिर थापासंग प्रतिक्रिया लिँदा उनले भने, ‘बषौंदेखि अड्केको कुरा समाधान गर्न हामीलाई केपि जिले गुहार्नुभयो हामीले पनि राम्ररी बुझेका थिएनौ, बुझ्न भनेर उहाँको कार्यालय गएका हौं, भने अनुसार धामी सरले अनावश्यक दवाव दिएजस्तो लागेर पिडीत भनेका हौ, धामी जि लाई हामीले धम्काएका छैनौ, उहाँलाई किन त्यस्तो लागेको थाहा भएन, एकाएक पत्रकारका फोन आउन लागे, कुरा बुझ्न नपाउँदै साँझ चौतारीको विज्ञप्ति आएपछि घटनाक्रम बिग्रिएको हो ।’