गोदावरी ईन्सच्युटले गर्‍यो विद्यार्थीको बिदाई

आइतबार २६, चैत २०७९ ००:४१ पश्चिमनेपाल न्यज डट कम

महेन्द्रनगर : कञ्चनपुरको महेन्द्रनगरमा रहेको गोदावरी होटल म्यानेजमेन्ट ईन्सच्युटले आफ्ना कक्षा १२ का विद्यार्थीलाई बिदाई तथा कक्षा ११ का विद्यार्थीलाई स्वागत गरेको छ । शनिबार एक कार्यक्रमको आयोजना गरि विद्यार्थीहरुको बिदाई तथा स्वागत गरिएको हो ।
बिदाई समारोहमा प्याब्सन कञ्चनपुरका अध्यक्ष अमराज भट्ट प्रमुख अतिथी रहेका थिए । कार्यक्रममा बोल्दै प्रमुख अतिथी भट्टले भने, ‘ईन्सच्युटले छोटो अवधीमै राम्रो प्रगति गरेको देख्दा खुसी छु, सम्पुण विद्यार्थीहरु र विद्यालयको प्रगतिको कामना गर्दछु ।’
विद्यालयका प्रिन्सिपल विनोदप्रसाद भट्टको सभापतित्वमा सम्पन्न कार्यक्रममा शिक्षक मकर एस.के.ले स्वागत मन्तव्य राखेका थिए । कार्यक्रमको सञ्चालन केशबराज पन्तले गरेका थिए । कार्यक्रममा विविध सांस्कृतिक प्रस्तुति प्रस्तुत गरिएको थियो ।

ई-पेपर

ताजा अपडेट