समाचार खोज्नुहोस

अछाम : अछामको चौरपाटी गाउँपालिकाले ४७ करोड १० लाख २५ हजार ६ सय ४८ रुपियाँको बजेट सार्वजनिक गरेको छ।
गाउँसभाको सातौँ अधिवेशनमा आगामी आर्थिक वर्ष २०८२र०८३ का लागि वडा नम्बर ५ का वडा अध्यक्ष हेमकर्ण खड्काले बजेट प्रस्तुत गरेका हुन्।

आर्थिक वर्ष २०८२र८३ मा नीति तथा कार्यक्रम कार्यान्वयनका लागि प्रस्तुत बजेटमा वित्तीय समानीकरण तर्फ संघ सरकारबाट दुई करोड २२ लाख रुपियाँ, प्रदेश सरकाबाट एक लाख ३४ हजार, राजस्व बाँडफाँटबाट संघ सरकारबाट १० करोड १८ लाख, ६९ हजार, प्रदेश सरकारबाट ३४ लाख ६२ हजार रुपियाँ व्यहोरिने उल्लेख गरिएको छ।

यस्तै, सर्शत अनुदान संघ सरकारबाट २० करोड ८९ लाख, प्रदेश सरकारबाट ८० लाख, समपूरक अनुदान संघ सरकारबाट एक करोड, प्रदेश सरकारबाट एक करोड २६ लाख, विशेष अनुदान संघ सरकारबाट ६९ लाख, प्रदेश सरकारबाट ७५ लाख प्राप्त हुने अनुमान गरिएको गाउँपालिकाका अध्यक्ष भीमबहादुर साउँदले बताए। आन्तरिक स्रोतबाट ८१ लाख ५१ हजार र वाक नेपालबाट ३३ लाख रुपियाँ प्राप्त हुने प्रक्षेपण गरिएको छ।

आर्थिक वर्ष २०८२र०८३ को बजेटमा विषयगत शाखालाई बजेट विनियोजन गरिएको छ। जसमा सबैभन्दा बढी चालु खर्च तर्फ नौ करोड २४ लाख २५ हजार, वडाका लागि दुई करोड १९ लाख ५० हजार, चालु तर्फ ४२ लाख, शिक्षा शाखा तर्फ दुई करोड ७५ लाख ३७ हजार, स्वास्थ्य शाखा तर्फ दुई करोड १० लाख रुपियाँ, महिला बालबालिका तथा लक्षित वर्गको लागि १५ लाख ४५ हजार, कृषि विकास शाखा १३ लाख ३३ हजार, पशु सेवा शाखाको लागि सात लाख ५० हजार बजेट प्रस्ताव गरिएको गाउँपालिकाका अध्यक्ष साउँदले बताए।

कृषि क्षेत्रलाई व्यवसायीकरण, भौतिक पूर्वाधारको विकास, शिक्षा, स्वास्थ्य, महिला तथा बालबालिका, खानेपानी योजना, खेलकुद, पर्यटन, संस्कृति क्षेत्रलाई प्राथमिकता दिएर बजेट विनियोजन गरिएको गाउँपालिकाका अध्यक्ष साउँदको भनाइ रहेको छ।

गाउँपालिकाले आगामी आर्थिक वर्ष २०८२र०८३ का लागि वडामा चालु र विकास निर्माणको लागि दुई करोड ६१ लाख ५० हजार रकम प्रस्ताव गरेको छ। वडाको विकास निर्माणका लागि दुई करोड १९ लाख ५० हजार र सात वटा वडाको लागि चालु तर्फ ४२ लाख रुपियाँ विनियोजन गरिएको गाउँपालिकाका अध्यक्ष साउँदले बताए।